សេចក្តីថ្លែងការណ៍ ស្តីអំពី ការវាយតម្លៃលើស្ថានភាព ដំណើរការរាប់សន្លឹកឆ្នោត និងប្រកាសកំណត់ហេតុនៃការរាប់សន្លឹកឆ្នោត នៃការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៤
អង្គការសង្គមស៊ីវិលនៃបន្ទប់ស្ថានការណ៍ ស្តីពីការបោះឆ្នោតឆ្នាំ២០១៧ យល់ឃើញថា បរិយាកាសដំណើរការរាប់សន្លឹកឆ្នោតជ្រើសរើសក្រុមប្រឹក្សាឃុំ/សង្កាត់អាណត្តិទី៤ នាថ្ងៃទី០៤ ខែមិថុនា ឆ្នាំ២០១៧ នៅការិយាល័យភាគច្រើន បានប្រព្រឹត្តទៅស្របតាមនីតិវិធី។ រហូតមកដល់ពេលនេះ យើងសង្កេតឃើញថា មិនទាន់មានពាក្យបណ្តឹងទាក់ទងនឹងកំណត់ហេតុនៃការរាប់ ឆ្នោត ប៉ុន្តែយើងក៏បានរកឃើញថា មានភាពមិនប្រក្រតីខ្លះក្នុងដំណើរការរាប់សន្លឹកឆ្នោត និងការប្រកាសកំណត់ហេតុនៃការរាប់សន្លឹកឆ្នោតដូចជា៖ ការពន្យារពេលចាប់ផ្តើមដំណើររាប់សន្លឹកឆ្នោត ការមិនអនុញ្ញាតអ្នកសង្កេតការណ៍ចូលក្នុងការិយាល័យរាប់សន្លឹកឆ្នោត ដំណើរការរាប់នៅទីងងឹត និងដោយបិទទ្វារ និងបង្អួច ការអានប្រកាសសម្លេងឆ្នោត ឬបង្ហាញគំនូសគាំទ្រក្នុងដំណើររាប់សន្លឹកឆ្នោតមិនច្បាស់លាស់ ភាពមិនប្រក្រតីក្នុងការកំណត់សន្លឹកឆ្នោតបានការ ឬមិនបានការ ការបំពេញកំណត់ហេតុនៃការរាប់សន្លឹក ឆ្នោតមានកំហុស និងការមិនចែក ឬការបិទផ្សាយកំណត់ហេតុនៃការរាប់សន្លឹកឆ្នោត (ទ.១១០២)។
សូមអានបន្ថែមខាងក្រោមនេះ៖