ការ​ស៊ើប​អង្កេត​​ឯករាជ្យ​​ជា​មធ្យោបាយ​ដ៏សំខាន់​មួយ​​ ដែល​អាច​​ផ្ដល់​យុត្តិធម៌​ចំពោះ​​សំណុំរឿង​ឃាតកម្ម​​លោក​បណ្ឌិត​ កែម ឡី

08
កក្កដា

ការ​ស៊ើប​អង្កេត​​ឯករាជ្យ​​ជា​មធ្យោបាយ​ដ៏សំខាន់​មួយ​​ ដែល​អាច​​ផ្ដល់​យុត្តិធម៌​ចំពោះ​​សំណុំរឿង​ឃាតកម្ម​​លោក​បណ្ឌិត​ កែម ឡី

ថ្ងៃទី​៨ ខែកក្កដា ឆ្នាំ២០១៧ – អស់​រយៈពេល​មួយ​ឆ្នាំ​បន្ទាប់​ពី​ឃាតកម្ម​លើ​លោក​បណ្ឌិត​ កែម​ ឡី យើង​ខ្ញុំ​ជា​ក្រុម​សង្គម​ស៊ីវិល​មាន​រាយ​នាម​ដូច​ខាង​ក្រោម ជឿ​ជាក់​ថា យុត្តិ​ធម៌​នៅ​មិនទាន់​មាន​នៅ​ឡើយ​ទេ​សម្រាប់​អតីត​អ្នក​វិភាគ​នយោបាយ​ឯករាជ្យរូបនេះ​ រួមទាំង​ក្រុម​គ្រួសារ​ មិត្តភក្ដិ​និង​សហការី​របស់​លោក។

អ្នក​វិភាគ​សង្គម​និង​នយោបាយ​ដ៏​មាន​ប្រជាប្រិយ​ភាព និង​ជា​អ្នក​ធ្វើ​យុទ្ធនាការ​ប្រ​ឆាំង​​អំពើ​ពុករលួយ​ ត្រូវ​បាន​ឃាតករ​បាញ់​សម្លាប់​នៅ​ថ្ងៃទី​១០​ ខែ​កក្កដា ឆ្នាំ​២០១៦ ខណៈ​ពេល​ដែល​លោក​កំពុង​ពិសារ​កាហ្វេ​នៅ​ក្នុង​ហាងលក់​ទំនិញ​​នៃបរិវេណ​​ស្ថានីយ៍ប្រេង​ឥន្ធនៈ​កាល់តិច នៅកែងស្ដុប​បូកគោ​​ក្នុង​រាជ​ធានី​ភ្នំពេញ។ ការ​ស៊ើប​អង្កេត​នៃ​ករណី​ឃាតកម្ម​នេះ​ នៅ​មិនទាន់​មាន​តម្លាភាព​នៅ​ឡើយ​ទេ ហើយ​មន្ទិល​សង្ស័យ​ជាច្រើនក្នុង​សំណុំ​រឿង​នេះ​ ក៏​នៅ​មិន​ទាន់​មានការ​​បកស្រាយ​​ផងដែរ។

ទោះ​បីជា​មាន​វីដេអូ​​ភស្ដុតាង​ដែលអាច​​បញ្ជាក់ថា មាន​អ្នក​សមគំនិត​ជាប់ពាក់ព័ន្ធ​ក៏ដោយ​ ក៏ប៉ុន្តែ​​មានជនសង្ស័យតែ​​ម្នាក់​ប៉ុណ្ណោះ ​ដែល​ត្រូវ​បានតុលាការ​ចោទ​ប្រកាន់ និង​ផ្ដន្ទា​ទោស​ នៅក្នុង​សវនាការ​ដែល​នៅ​មាន​ចន្លោះ​ខ្វះ​ខាតក្នុង​ការជជីក​​សួរដេញ​ដោល​សាក្សី ​ឬ​ស៊ើបអង្កេត​ឲ្យបាន​ស៊ី​ជម្រៅជាងនេះ​​អំពី ​ហេតុ​ដែល​នាំ​ឲ្យ​ឃាតករ​ប្រព្រឹត្ត​អំពើ​ឃាតកម្ម​នេះ។​ និទ្ទណ្ឌភាព​ចំពោះ​ជនដែល​ពាក់​ព័ន្ធ​នៃ​អំពើ​ឃាតកម្ម​នេះ អាចនឹង​ធ្វើ​ឲ្យ​ប្រជាពលរដ្ឋ​បាត់​បង់​ទំនុក​ចិត្ត​លើ​ប្រព័ន្ធ​យុត្តិ​ធម៌​នៅ​កម្ពុជា។

យើង​ខ្ញុំ​ ជា​ក្រុម​សង្គមស៊ីវិល​មាន​រាយ​នាម​ដូច​ខាង​ក្រោម​ សូម​សំណូម​ពរ​ឲ្យ​មាន​ការ​​ស៊ើប​អង្កេតឯករាជ្យដោយ​​​ចូល​រួមពីសំណាក់​អ្នក​ជំនាញ​អន្តរជាតិ ក្នុង​​សំណុំ​រឿង​​លោក​បណ្ឌិត​ កែម ឡី ដែល​កំពុង​មាន​លក្ខណៈ​ស្ងៀម​ស្ងាត់​នេះ។​ ឃាតកម្ម​របស់​លោក​បាន​នាំ​ឲ្យ​​ប្រ​ជាពលរដ្ឋ​រាប់​សែន​នាក់​មាន​ការ​សោក​ស្ដាយ​យ៉ាង​ខ្លាំង ដោយ​អ្នក​​ទាំង​នោះ​បាន​ចេញ​មក​តាម​ដង​ផ្លូវ​នានា​ ដើម្បី​ចូល​រួម​​ដង្ហែ​សព​របស់​លោក។ ដូចគ្នា​នឹង​​ ក្រុម​គ្រួសារ សហការី​ និង​មិត្តភក្ដិ​របស់​លោក​បណ្ឌិត​ កែម ឡី ​ដែរ ប្រជាពលរដ្ឋ​ទាំង​នោះ ក៏​ចង់​​ទទួល​បាន​យុត្តិធម៌​ផងដែរ។

ភ្លាម​ៗ​បន្ទាប់​ពី​ឃាតកម្ម​នេះ អ្នក​ជំនាញ​ផ្នែក​សិទ្ធិមនុស្ស​នៃ​អង្គការ​សហប្រជាជាតិ​មួយ​ក្រុម ​បានអំពាវនាវ​​ឲ្យ​មាន​ការ​ “ស៊ើប​អង្កេត​ឲ្យ​បាន​ឆាប់​រហ័ស ​ម៉ត់ចត់​និង​​ឯករាជ្យ​ ទៅ​លើ​ករណី​ឃាតកម្ម​នេះ[….] ​​គួរតែ​ធ្វើ​ឡើង​ដោយ​ស្ថាប័ន​ឯករាជ្យ”។ អស់​រយៈពេល​មួយឆ្នាំ​ក្រោយមក ​យើង​បាន​ឃើញ​ថា ​ប្រព័ន្ធ​យុត្តិធម៌​ព្រហ្មទណ្ឌ​មិនទាន់​​បាន​ការពារ​សិទ្ធិ​រស់​រានមាន​ជីវិត​របស់​ប្រជាពលរដ្ឋ​នោះ​ទេ។ ដោយសារ​នៅមាន​មន្ទិល​សង្ស័យ​​ជាច្រើន​ ការ​ស៊ើបអង្កេត​ឯករាជ្យដោយ​​​ចូល​រួមពីសំណាក់​អ្នក​ជំនាញ​អន្តរជាតិ ​ គឺ​ជា​មធ្យោបាយ ​ដ៏សំខាន់​មួយ​ ដែល​អាច​ផ្ដល់​ទំនុក​ចិត្ត​ដល់​ការ​ស្វែង​រក​យុត្តិធម៌​ សម្រាប់​លោកបណ្ឌិត​ កែម​ ឡី ​ក្រុម​គ្រួសារ និង​មិត្តភក្ដិ​របស់​លោកបាន​។

ជាថ្មី​ម្ដងទៀត ​យើងខ្ញុំ ជា​ក្រុម​សង្គមស៊ីវិល​មាន​​រាយ​នាម​ដូច​ខាង​ក្រោម មិន​​ភ្លេច​ឃាតកម្ម​លើ​លោក​បណ្ឌិត​ កែម ឡី នោះទេ និង​​​​នៅតែរក្សា​សំណូមពរ​ដោយ​ទទូចដូច​លើក​មុន​ សូម​ឲ្យ​មាន​ការ​ស៊ើប​អង្កេតឯករាជ្យ​ដោយចូល​រួម​ពីសំណាក់​​អ្នក​ជំនាញ​អន្តរជាតិ រួម​ជាមួយ​នឹងការ​ផ្ដល់ឲ្យ​ពេញលេញ​នូវ​ភស្ដុតាង​ រាប់​ទាំង​វីដេអូនៃ​កាមេរ៉ា​សុវត្ថិភាព​របស់​ក្រុមហ៊ុន CCTV ដែល​បង្ហាញ​ពី​ដំណើរ​រឿង​នៃអំពើ​ឃាតកម្ម​នោះ។ ប្រ​សិន​បើ​នៅ​តែ​គ្មានការ​ចាត់វិធានការ​ខាងលើ​នេះទេ នោះ​ជំនឿ​ទុកចិត្តរបស់​សាធារណៈជន​​លើ​ប្រព័ន្ធ​យុត្តាធិការ​​ អាច​នឹង​កាន់​តែ​បាត់បង់​ថែមទៀត​ ហើយ​ក្រុម​គ្រួសារ និង​មិត្តភក្ដិ​របស់​លោកបណ្ឌិត​ កែម ឡី នៅ​តែ​មិន​ទាន់​ទទួល​បាន​យុត្តិធម៌​ដដែល។

សេចក្តី​ថ្លែងការណ៍​នេះ​គាំទ្រ​ដោយ​៖

១. សកម្មភាព​ដើម្បី​បរិស្ថាន​សហគមន៏
២. ក្រុម​ការងារ​ដើម្បី​ដោះស្រាយ​ទំនាស់​ (ACT)
៣. សហគមន៍​បាក់​រទេះ
៤. សហគមន៍​បន្ទាយស្រី
៥. សហគមន៍​បឹងឈូក​
៦. សហគមន៍​ដីធ្លី​បឹងកក់​ (ខេត្តកំពង់ឆ្នាំង)
៧. សហគមន៍​បឹងប្រាំ
៨. សហគមន៍​បឹងត្របែក
៩. សហគមន៍​បុរីកីឡា
១០. សហគមន៍​បុស្សស្នោរ
១១. អង្គការ​ព្រះពុទ្ធសាសនា​សម្រាប់​សន្តិភាព​ (BPO)
១២. សហព័ន្ធ​សហជីព​កម្មករ​សំណង់​ និង​ព្រៃឈើ​កម្ពុជា​ (BWTUC)
១៣. អង្គការ​អភិវឌ្ឍន៍​សំលេង​សហគមន៍​ (BCV)
១៤. សហគមន៍​សេអ៊ីប្រាំ
១៥. អនាគត​យុវជន​កម្ពុជា​អាស៊ាន​ (CamASEAN)
១៦. សមាគម​អភិវឌ្ឍន៍​ជីវភាព​ពលរដ្ឋ​កម្ពុជា​ (CDPLA)
១៧. សមាគម​យុវជន​ជនជាតិ​ដើមភាគតិច​កម្ពុជា​ (CIYA)
១៨. បណ្តាញ​ព្រះសង្ឃ​និង​យុវជន​កម្ពុជា​ (CMYN)
១៩. សមាគម​មន្រ្តី​រាជការ​ឯករាជ្យ​កម្ពុជា​ (CICA)
២០. សម្ព័ន្ធ​សហជីព​កម្ពុជា​ (CATU)
២១. មជ្ឈមណ្ឌល​សិទ្ធិ​មនុស្ស​កម្ពុជា​ (CCHR)
២២. បណ្តាញ​កម្មករ​ការងារ​តាមផ្ទះ​កម្ពុជា​ (CDWN)
២៣. សហព័ន្ធ​សហជីព ​កម្មករ​ចំណី​អាហារ ​និង​សេវាកម្ម​កម្ពុជា (CFSWF)
២៤. សមាគម​ការពារ​សិទ្ធិ​មនុស្ស​ និង​អភិវឌ្ឍន៍​នៅ​កម្ពុជា (ADHOC)
២៥. សមាគម​កម្មករ​កម្ពុជា​សេដ្ឋកិច្ច​ក្រៅ​ប្រព័ន្ធ ​(CIWA)
២៦. សហភាព​ការងារ​កម្ពុជា​ (CLC)
២៧. សម្ព័ន្ធ​ខ្មែរជំរឿន​ និង​ការពារ​សិទ្ធិ​មនុស្ស​ លីកាដូ​ (LICADHO)
២៨. គណៈកម្មាធិការ​នៃ​អង្គការ​មិនមែន​រដ្ឋាភិបាល​ដើម្បី​លុប​បំបាត់​រាល់​ទម្រង់​រើសអើង​លើ​ស្រ្តីភេទ​ (NGO-CEDAW)
២៩. បណ្តាញ​យុវជន​កម្ពុជា​ (CYN)
៣០. មជ្ឈមណ្ឌល​សម្ព័ន្ធ​ភាព​ការងារ​ និង​សិទ្ធិ​មនុស្ស​ (CENTRAL)
៣១. សហគមន៍​ឆេកូ
៣២. សហគមន៍​ជាំ​ក្រវៀន
៣៣. សហគមន៍​ចំបក់​ (ខេត្ត​កំពង់ស្ពឺ)
៣៤. សហគមន៍​ភូមិ​ចំបក់​ (ខេត្ត​កំពង់ចាម)
៣៥. សហគមន៍​ជីទ្រុន
៣៦. សហគមន៍​ជីខលើ
៣៧. សម្ព័ន្ធ​ដើម្បី​សុចរិតភាព​ និង​គណនេយ្យភាព​សង្គម​ (CISA)
៣៨. សម្ព័ន្ធ​សហគមន៍​កសិករ​កម្ពុជា​ (CCFC)
៣៩. សម្ព័ន្ធ​សហជីព​ចលនា​កម្មករ​ (CUMW)
៤០. បណ្តាញ​សហគមន៍​ក្នុង​សកម្មភាព​
៤១. បណ្តាញ​កសាង​សន្តិភាព​ (CPN)
៤២. សហគមន៍​ឃុំដា
៤៣. អង្គការ​សមធម៌​កម្ពុជា (EC)
៤៤. សមាគម​កសិករ​ដើម្បី​សន្តិភាព​ និង​ការ​អភិវឌ្ឍន៍​ (FAPD)
៤៥. សហគមន៏​ព្រៃឈើ
៤៦. សហគមន៍​ព្រៃឈើ​ស្ទឹង​ខ្សាច់​ស
៤៧. បណ្តាញ​អតីត​ស្ត្រី​បឹងកក់
៤៨. អង្គការ​យេនឌ័រ​ និង​អភិវឌ្ឍន៍​សម្រាប់​កម្ពុជា (GADC)
៤៩. អង្គការ​ទស្សនៈ​បៃតង​
៥០.ក្រុម​ការងារ​ពិសេស​សិទ្ធិ​លំនៅដ្ឋាន​ (HRTF)
៥១. បណ្តាញ​ព្រះសង្ឃ​ឯករាជ្យ​ដើម្បី​យុត្តិធម៌​សង្គម​ (IMNSJ) ​
៥២. យុវជន​ជនជាតិ​ដើម​ភាគតិច​ ឃុំ​ប្រមេ​ ស្រុក​ត្បែងមានជ័យ​ ខេត្ត​ព្រះវិហារ​
៥៣. សហគមន៍​យុវជន​ជនជាតិ​ដើម​ភាគតិច​ខេត្ត​រតនគិរី
៥៤. សមាគម​ឥន្ទ្រទេវី (IDA)
៥៥. សហគមន៍​កំព្រឹស
៥៦. សមាគម​យុវជនខ្មែរ​​ (KYA)​
៥៧. សហគមន៍ដីធ្លី​ ភូមិ១​ ក្រុងព្រះសីហនុ
៥៨. សហគមន៍​ឡពាង
៥៩. ចលនា​មាតា​ធម្មជាតិ (MN)
៦០. សហគមន៍​ភ្នំបាត​
៦១. សហគមន៍​ភ្នំក្រោម
៦២. សហគមន៍​ភូមិ២១
៦៣. សហគមន៍​ភូមិ២៣
៦៤. សហគមន៍​ភូមិដីឆ្នាំង
៦៥. សហគមន៍ដីធ្លី​ភូមិ​ប្រាសាទ​រាំង
៦៦. សហគមន៍​ភូមិ​សមុទ្រ​លើ
៦៧. សហគមន៍​ដីធ្លី ​ភូមិ​សិលាខ្មែរ
៦៨. សហគមន៍​ភូមិថ្មី តាំង​សំរោង
៦៩. សហគមន៍​ដីធ្លី​ពង្រក​
៧០. អង្គការ​ពន្លកខ្មែរ
៧១. សហគមន៍​ព្រែក​តាគង់
៧២. សហគមន៍​ព្រែកតានូ
៧៣. សហគមន៍​ព្រៃឈើ​ពេជ្រចង្វារ​ល្អឆើត
៧៤. សហគមន៍​ព្រៃឈើ​រមាសហែក
៧៥. សហគមន៍​រស្មី​សាមគ្គី
៧៦. សមាគម​ធាងត្នោត
៧៧. សហគមន៍​សាមគ្គី៤​
៧៨. សហគមន៍​ដីធ្លី​សាមគ្គី​មានជ័យ
៧៩. សហគមន៏​ដីធ្លី​សង្គមថ្មី
៨០. សមាជិក​ និង ​គណៈកម្មាធិការ​សហគមន៍​នេសាទ​ស្តី​ក្រោម​រហាលសួង
៨១. សហគមន៍​នេសាទ​សម្រស់​កោះស្តេច
៨២. សហគមន៍​ SOS​ ព្រលាន​យន្តហោះ​អន្តរជាតិ​ភ្នំពេញ
៨៣. សហគមន៍​ស្ពានឆេះ
៨៤. សហគមន៍​ស្រែប្រាំង
៨៥. សហគមន៍​ដីធ្លី​តានួន
៨៦. សហគមន៍​ថ្មគោល​
៨៧. សហគមន៍​ទួលរ៉ាដា
៨៨. សហគមន៍​ទួលសង្កែB
៨៩. សហជីព​កម្មករ​និយោជិត​វិស័យ​ទេសចរណ៍​ និង​សេវាកម្ម​នៃ​ក្រុមហ៊ុន​ហ្គ្រែនដាយ​អឹម៉េន​ស៊ីធី
៩០. សហជីព​និយោជិត​វិស័យ​ទេសចរណ៍​នៃ​ក្រុមហ៊ុន​កាស៊ីណូ​ប៉ោយប៉ែត​រីស៊ត
៩១. សហគមន៍​ត្រពាំង​អញ្ចាញ​ថ្មី
៩២. សហគមន៍​ទំនប់ពីរ
៩៣. សហគមន៍​ទន្លូង
៩៤. អង្គការ​អភិវឌ្ឍ​ស្ត្រី​ក្រីក្រ​ទីក្រុង​
៩៥. សហគមន៍​១៨៥K​ ធីតា​ចំបក់
៩៦. សហគមន៍២៣
៩៧. សហគមន៍​២៤គ្រួសារ
៩៨. សហគមន៍​ដីធ្លី​២៩៧
៩៩. សហគមន៍​កៅពីរ
១០០. សហគមន៍​បឹងកក់ (BKL)
១០១. អង្គការ​បង្កើន​សមត្ថភាព​សហគមន៍​ដើម្បី​អភិវឌ្ឍន៍
១០២. អង្គការ​ការពារ​សិទ្ធិ​ជនជាតិ​ភាគតិច
១០៣. សម្ព័ន្ធ​សហជីព​ប្រជាធិបតេយ្យ​កម្មករ​កាត់ដេរ​កម្ពុជា​ (C.CAWDU)
១០៤. សហជីព​សេរីកម្មករ​នៃ​ព្រះរាជាណាចក្រ​កម្ពុជា
១០៥. សមាគម​គ្រូបង្រៀន​កម្ពុជា​ឯករាជ្យ (CITA)
១០៦. អង្គការ​អភិវឌ្ឍន៍​សម្លេង​សហគមន៍ (CVDO)
១០៧. សមាគម​ប្រជាធិបតេយ្យ​ឯករាជ្យ​នៃ​សេដ្ឋកិច្ច​ក្រៅប្រព័ន្ធ​ (IDEA)

សូមទាយយក ឯកសារនៃសេចក្តីថ្លែងការណ៍រួម នៅទីនេះ

This post is also available in: អង់គ្លេស

Leave a Reply

This site uses Akismet to reduce spam. Learn how your comment data is processed.

You are donating to : Donation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...