សេចក្តី្របកាសព័ត៌មាន
កាលពីថ្ងៃទី១១ ខែកក្កដា ឆ្នាំ២០១៨ លោក មឿន តុលា នាយកមជ្ឈមណ្ឌលសម្ព័ន្ធភាពការងារ និង សិទ្ធិមនុស្ស បានទទួលដីកាលើកលែងការចោទប្រកាន់ លើករណីបណ្តឹងរបស់ឈ្មោះ ពេជ្រ ស្រស់ ប្រធាន គណបក្សយុវជនកម្ពុជាដែលបានប្តឹងចូលអយ្យការសាលាដំបូងរាជធានីភ្នំពេញ កាលពីថ្ងៃទី០៨ ខែកញ្ញា ឆ្នាំ ២០១៧ អំពីករណីប្រាក់បច្ច័យបានមកពីការចូលបុណ្យសពលោក បណ្ឌិត កែម ឡី ។
ក្រោយពីបានឆ្លងកាត់នូវនីតិវិធីស៊ើបអង្កេត និងនីតិវិធីស៊ើបសួរតុលាការរាជធានីភ្នំពេញ បានសម្រេចលើកលែង ចោទប្រកាន់ដោយហេតុថា គ្មានភស្តុតាងដាក់បន្ទុកគ្រប់គ្រាន់លើលោក មឿន តុលា ។
សេចក្តីសម្រេចខាងលើនេះ គឺជាផលជាវិជ្ជមានដល់មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ក្នុងការ បន្តបំពេញបេសកម្មរបស់ខ្លួន ដើម្បីលើកកម្ពស់សិទ្ធិការងារ និងសិទ្ធិមនុស្ស នៅប្រទេសកម្ពុជា។ ជាមួយគ្នា នេះផងដែរ យើងខ្ញុំសង្ឃឹមថានឹងមានសេចក្តីសម្រេចវិជ្ជមានបែបនេះបន្តទៀត នៅក្នុងសំណុំរឿងព្រហ្មទណ្ឌដទៃ ទៀតដែលអ្នកការពារសិទ្ធិមនុស្ស និងអ្នកការពារសិទ្ធិកម្មករផ្សេងទៀតកំពុងជាប់បណ្តឹងព្រហ្មទណ្ឌនៅតុលាការ នៅឡើយ ។
មជ្ឈមណ្ឌលសម្ព័នភាពការងារ និងសិទ្ធិមនុស្ស ប្តេជ្ញាចិត្តបន្តរបេសកម្មរបស់ខ្លួនក្នុងការលើកម្ពស់ សិទ្ធិការងារ និងសិទ្ធិមនុស្សនៅប្រទេសកម្ពុជាតាមរយៈពង្រឹងសមត្ថភាពកម្មករ ផ្តល់ជំនួយផ្នែកច្បាប់ និងមធ្យោបាយ សមស្របដទៃទៀត។
ព័ត៌មានបន្ថែម សូមទាក់ទង លោក ឃុន ថារ៉ូ ០៩៣ ៥៥ ៦៦ ៧១ អ្នកសម្របសម្រួលកម្មវិធី
សូមទាញយក សេចក្តីប្រកាសព័ត៌មាន នៅទីនេះ
This post is also available in: អង់គ្លេស