ដំណឹងជ្រើសរើសបុគ្គលិក
មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) ជាអង្គការក្នុងស្រុកដែលបំពេញការងារដើម្បី ចងក្រង និងគាំទ្រក្រុមធ្វើការងារតាមរយៈ ការផ្តល់ជំនួយផ្នែកច្បាប់ និងមធ្យោបាយផ្សេងទៀត ដើម្បីទទួលបានអភិបាលកិច្ចដែលប្រកបដោយតម្លាភាព និងគណនេយ្យភាព សម្រាប់សិទ្ធិការងារ និងសិទ្ធិមនុស្ស។
សង់ត្រាល់ត្រូវការជ្រើសរើសបុគ្គលិកផ្នែកសន្តិសុខមួយរូប។
ការពិពណ៌នាអំពីការងារ
កិច្ចការចម្បងៗ និងការទទួលខុសត្រូវ
- ថែទាំ និងរក្សានូវសន្តិសុខ សណ្តាប់ធ្នាប់ និងសុវត្ថិភាព ជូនបុគ្គលិក និងភ្ញៀវ
- រៀបចំសម្រួលចំណតចេញ-ចូល ជូនបុគ្គលិក និងភ្ញៀវរបស់អង្គការឲ្យមានរបៀបរៀបរយនិងត្រូវថែរក្សា ការពារកុំអោយមានការបាត់បង់យានជំនិះទាំងនោះ
- ជួយបោសសំអាតជុំវិញបរិវេណការិយាល័យអោយបានស្អាត
- ធ្វើការងារបន្ថែមផ្សេងទៀតនៅពេលត្រូវការ
លក្ខណៈសម្បត្តិ និងបទពិសោធន៍
- យ៉ាងតិចណាស់មានសញ្ញាបត្របឋមភូមិ (សញ្ញាបត្រថ្នាក់ទី៩)
- ជានីតិជន ដែលមានសញ្ជាតិខ្មែរ និងចេះអាន សរសេរ ភាសាខ្មែរបានល្អ។ បើចេះភាសាអង់គ្លេស ត្រូវបានលើកទឹកចិត្ត
- មានស្មារតីទទួលខុសត្រូវខ្ពស់ក្នុងការងារ និងមានការអត់ធន់ជាមួយការងារ ក៏ដូចលក្ខខណ្ឌការងាររបស់អង្គការសង់ត្រាល់
- មានលក្ខណសម្បត្តិក្នុងការប្រាស្រ័យទាក់ទងល្អ រួសរាយ រាក់ទាក់ និងមានឥរិយាបថល្អ
- មានភាពស្មោះត្រង់ សុចរិតភាព អត់ធ្មត់ ណិងសកម្មលើការងារ
របៀបដាក់ពាក្យ
កាលបរិច្ឆេទកំណត់ដាក់ពាក្យៈ ផុតកំណត់ឈប់ទទួលពាក្យថ្ងៃទី១៥ ខែមិនា ឆ្នាំ២០១៩ វេលាម៉ោង ៥ រសៀល។ បេក្ខជនដែលមានចំណាប់អារម្មណ៍ សូមអញ្ជើញ ផ្ញើប្រវត្តិរូបសង្ខេប (មានបិទរូបថត) ជាមួយលិខិតអមជាភាសាខ្មែរ មកអង្គការសង់ត្រាល់ ដែលមានអសយដ្ឋានផ្ទះលេខ ៣៥៩ ផ្លូវ៦៩ បេតេ សង្កាត់បឹងទំពុន២ ខណ្ឌ័មានជ័យ ភ្នំពេញ។ មានតែបេក្ខជនដែលមានលក្ខណៈសម្បត្តិគ្រប់គ្រាន់នឹងត្រូវជាប់ក្នុងបញ្ជីសម្រាំង និងត្រូវបានទូរស័ព្ទអញ្ជើញឲ្យមកសម្ភាសន៍។ ព័ត៌មានបន្ថែមសូមទាក់ទងមកកាន់លេខទូរសព្ទ ០៩៣ ៥៥ ៦៦ ០៣។
