ម៉ាឡេស៊ីថា មិនមានពលករណាស្លាប់នៅក្នុងការឃុំខ្លួនទេ
ការធ្វើអធិការកិច្ចមួយពីគណៈកម្មការសុចរិតនៃទីភ្នាក់ងារអនុវត្តច្បាប់ម៉ាឡេស៊ី (EAIC) និងគណៈកម្មការសិទ្ធិមនុស្ស (Suhakam) បានរកឃើញថាការចោទប្រកាន់ដែលថាពលករចំណាកស្រុកដែលក្នុងនោះរួមមានពលករកម្ពុជាត្រូវបានសម្លាប់នៅក្នុងការឃុំខ្លួនគឺ «មិនពិត និងគ្មានមូលដ្ឋាន»។ នេះបើតាមប្រព័ន្ធផ្សព្វផ្សាយម៉ាឡេស៊ី។
EAIC គឺជាស្ថាប័នមួយរបស់រដ្ឋាភិបាលដែលបង្កើតឡើងជាស្ថាប័នឃ្លាំមើលដើម្បីទទួល និងធ្វើការស៊ើបអង្កេតការអះអាងចំពោះអំពើណាដែលប្រឆាំងនឹងច្បាប់ម៉ាឡេស៊ីចំណែកឯ Suhakam គឺជាស្ថាប័នជាតិស្តីពីសិទ្ធិមនុស្ស។
តំណាងស្ថាប័នទាំងពីរនេះមិនអាចទាក់ទងសុំអត្ថាធិប្បាយបានទេកាលពីថ្ងៃអាទិត្យប៉ុន្តែពួកគេត្រូវបានរាយការណ៍ថាបានចុះធ្វើការ «ពិនិត្យភ្លាម» នៅមណ្ឌលឃុំឃាំង Juru ដែលជាកន្លែងដែលពលការិនីចំណាកស្រុកកម្ពុជាម្នាក់ដែលទើបតែត្រូវបានបញ្ជូនត្រឡប់មកកម្ពុជាវិញកាលពីពេលថ្មីៗនេះបានប្រាប់អង្គការ Central ថានាងបានឃើញផ្ទាល់ភ្នែកនូវសកម្មភាពឆ្មាំវាយ និងធ្វើទារុណកម្មអ្នកជាប់ឃុំមួយចំនួនរហូតដល់ស្លាប់។
អានបន្ថែម៖ goo.gl/qlntHJ
This post is also available in: អង់គ្លេស