កម្មករសំណង់ជួបគ្រោះថ្នាក់ចរាចណ៍

ក្រុងព្រះសីហនុ- តាមព័តមានពីប៉ូលីសបានប្រាប់ថា មានរថយន្តមួយគ្រឿង ដែល ដឹកកម្មករសំណង់ទៅធ្វើការនៅបូរីគុជអាស៊ី ដែលស្ថិតនៅក្នុងក្រុងព្រះសីហនុ បានក្រឡាប់ធ្លាក់ចេញពីផ្លូវ ចូលទៅលើឆ្នេខ្សាច់កន្ទុយនាគ កាលពីម៉ោងជិត៧ព្រឹក ថ្ងៃទី១៩ ខែមិថុនាឆ្នាំ២០១៨នេះ ដែលបណ្តាលអោយកម្មករ ដែលជិះក្នុងរថយន្តនេះជាង២០នាក់រងរបូសធ្ងន់ និង ស្រាល បច្ចុប្បន្នកំពុងស្ថិននៅមន្ទីពេទ្យដើម្បីព្យាបាលរបួស។
ហេតុការណ៍នេះ បើតាមប៉ូលីសចរាចរណ៍បានអោយដឹងជាបឋមថា រថយន្តនេះទំនងជាបើកលឿននៅចំនុចផ្លូវកោង រួចហ្រ្វាំងមិនស៊ី ទើបយកចង្កូតមិនបាន បណ្តាលអោយក្រឡាប់បែបនេះ និងថាសំណាងដែរ ដែលរថយន្តក្រឡាប់ធ្លាក់ទៅលើឆ្នេរខ្សាច់ ដែលងាចជួយកាត់បន្ថយការប៉ះទង្គិច ដល់អ្នកជិះក្នុងរថយន្ត។ ករណីនេះសមត្ថកិច្ចកំពុងស្រាវជ្រាវពីអត្តសញ្ញាណជនរងគ្រោះ និងអ្នកបើកបរ ដើម្បីបន្តបិតិវិធីតាមផ្លូវច្បាប់។ (ប្រភពពីហ្វេសប៊ុក)